ـــــــــــــــــــــــــــــ
ماتيجوا نغير العادة
لطاعة وشكر وعبادة
ياللي بتشكوا م الروتين
بتقولوا حياة زفت وطين
أنا هقول لكوا كلمتين
واستعين برب العالمين
تفهموا وتعملوا بيقين
ماتيجوا نغير العادة
لطاعة وشكر وعبادة
الروتين بتقولوا ده طين
احمدوا الله رب العالمين
نجاكوا من أخطار كتير
بدل ما تعاكسوا زوجات الغير
احمدوا الله كونوا له شاكرين
اعطاكو زوجة وفيه محرومين
من سكن وزوجة وولد زين
ماتيجوا نغير العادة
لطاعة وشكر وعبادة
بتشوفو الصبح بنور العين
تروحوا الشغل ترجعوا وبخير
بتناموا تقوموا من غير معيّن
أو عكازين بإيديكوا الاتنين
ماتيجوا نغير العادة
لطاعة وشكر وعبادة
لما بتصحوا الفجرية
صلو لله اشكروا لعطية
اعطاكوا طاعة وعبادة
ساجدين راكعين دي الغاية
خلقنا لعبادة وطاعة
ووعدنا يرزقنا زياده
الرزق مش مال وكفالة
الرزق أنواع ماله نهاية
ماتيجوا نغير العادة
لطاعة وشكر وعبادة
صبح ولليل في ذكر الله
نخرج لعملنا نيتنا نجاة
داعملنا عبادة بترضي الله
العمل الطيب يقبله الله
بتؤجروا علي النية في حياة
تلاقوا العادة تقلب لعبادة
تنفعكوا في يوم لقاء الله
احمدوا الله علي عطياه
سكن زوجة أولاد وحياة
تلقوا الرضي بنور الله
خلوا حياتكوا كلها لله
تلقوا العادة تصلح لعبادة
تسعدوا دنيا واخري بلقاه
وتتولوا شفاعة من رسول الله
ـــــــــــــــــــــــــــــ
Ghazala Attia
غزالة عطيه
ليست هناك تعليقات:
إرسال تعليق