حبيت عيوني لما بصولك
حبيت ربيعي ووردي في فصولك
حبيت حياتي لما حبيتني
وحبيتني فعلاً بفعل مفعولك
انت الدوا والمؤي والراحة
وانت الصراحة في فترة الكتمان
انت الونس والحب والتفاصيل
وانت الجميل في الفعل والتقويل
وانت الجميل في التوهة والأحزان
انت الصراط المستقيم ليا
انت اللي حضنك نعمة وهدية
وانت الهداية من الضلال والبغي
والله ما لك زي
علشان كدة!
حضني شبك في قميصك
ف فضلت فضلوعك
وفضلت ادوب بأرادتي جوا عينيك
ف أزاي يا حلو مخافش يعني عليك؟
بقلق اذا حسيت فيوم حزنك
وبحارب الوقت علشان اكون وياك
بشتاق يا حلو ان غيبت عني أقل من ثانية
بالذمة قولي ازاي بقا هنساك!!
#أسماء_ابراهيم
ليست هناك تعليقات:
إرسال تعليق