تايه في الدنيا (384)
..................
تايه في الدنيا
بروح وأجي ..
لا أنا قادر أختار بمزاجي
مغصوب ويا دوب
عايش يومي
والكيف عراني
أنا من توبي
من بعد الصحه
وستر الحال وسوس لي
شيطان أصحابي جبان
خد جرب مني
هتدعي لي
والمره الجايه وهتجيلي
بدايتها مجامله
لصيد محظور
وإتغير حالي
بقيت مكسور
لا أنا عارف أنا
مابقيت هو حاسس
أنا فاضي أنا من جوا
فايق بتكعبل في خيالي
مسطول وأذيت
جنبي عيالي ..
راحوا عني خلاص
خايفين مني
مش لاقي دموع
غصبا عني
وأسير ورا كيف
بيهين سني ..
ضيعت المال
أيد وإتمدت
سارق من بنتي
كثير عديت
مسكوني الناس وبتأذيني
نزلت دمعتها بتكويني
بتدافع عني بتحميني
لساني أنا فاكر نظرتها
ويا ريتها ما حنت
ولا رقت
ويا ريت الأرض
كات إتشقت ..
من يومها ومات
عمري الباقي
تايه في الدنيا
بروح وأجي
بقلم .. صبري رسلان
ليست هناك تعليقات:
إرسال تعليق