•••••••••••••
يا شمس عمري يا مروّحة
فيتاني ليه ف عز الضحىٰ
هتغيبي ليه.. هتسيبي إيه
هتسيبي قلبي بين الرحىٰ
.. يا شمس عمري.. يا مروّحة
~~~
هيجي عليّا....وقت المسا
ألملم ف قلبي اللي اتنسىٰ
دقات عذاب... دقات أسىٰ
.. و نبرة غُناه.......... متجرّحة
.. يا شمس عمري.. يا مروّحة
~~~
أنا كنت حبة غُنا ف عنقود
الشوق فرطني ورا الحدود
و إن سألوا عنّي أنا موجود
.. ف الفضا روحي.. متطوّحة
.. يا شمس عمري.. يا مروّحة
_________________
••••••••••••••••••••••••
بقلمي ..
/ ممدوح صبحي
ليست هناك تعليقات:
إرسال تعليق