الموال
٠٠٠٠٠
حكى الموال عن الغزال
اللي صاحبه نساه
ومن أحزانه هج وتاه
وحكى الموال عن الرحال
اللي زمانه كتب حرمانه
وحدته وغربته وقساه
لمح الغزال صرخ الأه
وكانت أول صرخة الموال
غزال ياخال حنيه وجمال
دايبه من خطوته حتى الأحجار
عطشان حنيته عطشان ياخال
هو ودنيته كل اللي بتمناه
نده على نبضنا على حسنا
بكل مشاعر عمرنا عشقناه
صرخنا جه حلمنا اللي بنستناه
وحن قلب الرحال ورق
ونسيت مشاعره يعني ايه حق
يعني ايه حرام يعني حلال
احكي وقول ياموال
الرحال هو الضحيه الرحال
ضحية قلوب نبضها من مرار
وضحية خفة ورقة وحنية الغزال
احكي ياموال
ياعشق عمرنا
يا اللي مش من حقنا
الخداع عمره ماكان من طبعنا
والحرمان والاحزان هما كتبه
حروف ضعفنا ورسمه
على وتر عشقنا الانهيار
ياللي مش من حقنا
انتم ساكنين نبضنا
انتم شاغلين فكرنا
ألف أسف أسف
اخرجوا من قلبنا
حصدنا من حبكم
ومن جنون عشقكم
حسره وكسره ودمع ونار
احكي ياموال
الرحال هو الضحيه الرحال
ألف أسف أسف ياغزال
الموال
بقلم على عبدالرحيم محمد
ليست هناك تعليقات:
إرسال تعليق