صباح حبك اللي بيجري
بشرياني
صباح عطرك ينسم
روحي ووجداني
نسايم تهز القلب
تفتح ورد بستاني
بحيك كلمه تدك الارض
تصحي فيا انساني
اسهر افرح ويا نجوم الليل
اضم القمر باحضاني
واكتر لمابحس انك
حبيبتي لسه فاكراني
وارضي تطرح سنابل
قمح ومحبه علي عيداني
واحس فيك اني ملك
وارضي عاشقه سلطاني
اسافر بعيد بلاد غير البلاد
وبين الضلوع شوق ونار
تصحي بركاني
وازي مكنش بحبك
بقلبي و بروحي وكياني
لما انت فيك كل الاحبه
حتي فيك عنواني
فاكرك يابلد ورسمك علي الضلوع
فاكر ف الشبع وحتي وقت الجوع
فاكرك ف الغنا وعند الدموع
مهما شوفت منك اسي هفضل احبك
ووجودك يبني حياتي يشد اركاني
ويفضل حبك ونيلك يجري بشرياني
كلمات الشاعر مصطفي السيد المنياوي
ليست هناك تعليقات:
إرسال تعليق