...............
يوم طير طلع له
فى ريش
قال حلمي بس أعيش
يا أمايا ما تحوشنيش
خليني أهاجر ..
ما بلاش تخطي لنار
وتضيع وأدوق في مرار
بحر السراب غدار
ولا لهش صاحب
ما الطين ساترنا فى دار
والفقر طوب فى جدار
هيجيله وقت عمار وبلاش تفارق
أرضك صحيح قيراطين
عرضك مليحه وزين
من ريعها سده الدين
طب ليه تسافر
إشقى فى ترابك شيل
خضر خريف له سنين
جواك دفنته جنين
لا سقيته فاكر ..
مش كل غربه عمار
ولا سعد دنيا بمال
لقمه بملح الحال
يا هناه اللي شاكر ..
ودع جيران وصحاب
شهرين فى دمع ونار
جاه يوم رموه
فى حصار بحر إندفن فيه أصحاب والموت
وطينه الدار
ولا عدش فاكر
إدعيلي يا أمه إن حي
راح أشيل قدامك ضي
وطى يبوس الأرض
ساجد وشاكر
برضاكي ياما نجيت
ولا عاد سراب ويا ريت
باعوا لنا وهم الصيت
مات طير مهاجر
بقلم .. صبري رسلان
ليست هناك تعليقات:
إرسال تعليق