أيام بنعيشها ونسمع فيها صوت العقول
ليه ما نعملش يوم واحد للقلوب كلامي صح ولا غير معقول
نفسي مرة نحس بعض ونتكلم من قلوبنا ونقول
كفاية بقي علينا حسابات وتعب العقول
الحب مكانه في القلوب كلمة منه تشفي المعلول
أنا بقولها حبي من قلبي وعنها مسئول
تركت عقلي قبل الجنون بحبك حب فوق المعقول
تعامليني بعقلك خدى راحتك كله منك مقبول
لكن لو خرج الحب من القلب نقول ده عمل معمول
لا والله اللي يحب ويعشق ويقابل جهول
راح يرحل بمتاعه يبعد عن الناس يعيش في مكان مجهول
الصمت والهجر في العشق علامة فوق الوجوه مدلول
هاجر أبعد أسكت خد جرحك مع نفسك من غير ما تقول
فاكر لما قولنا الحب ساكن القلوب وبلاش نحسبها بالعقول
ضحكت وقولت العقل ميزان يحكم بالمعقول
وأنا قولت أحلي حب حب القلوب يشفي المعلول
خلينا كدا حرب دائرة لغاية ما تذهب العقول
تنتهي الحياة مالها راجعه نتحاسب ساعتها أيه نقول
راضي السقا
ليست هناك تعليقات:
إرسال تعليق