صبر ايوب
انا الغلبان وانا المسكين
وانا المقهور
وشايل من الهموم
بالكوم
وبقول ياحيطة داريني
وانا اللي في الصبر
ايوب
وانا اللي في الغرام
انسان
برسم الضحكة طول اليوم
واخر الليل تلاقيني
انا الحيران
وانا اللي ياما
شوفت كتير
وياما عل الدماغ دق
وعمر الفرح علي بابي
ياأهلي وناسي وحبابي
في يوم دق
طب اقول الحق
قلبي الوحيد
اللي بابه طول عمره
ما بطل دق
واخر دقة علي بابي
يا احبابي
جايبة الفرحة وياها
تلاغيني تناديني
اقولها لا
اخرتها معاكي يا دنيا
تعبتيني
ونفسي في يوم تصالحيني
وترسيني في يوم علي بر
دا انا الغلبان انا المسكين
وانا المقهور
وشايل من الهموم بالكوم
بقلم
احمد محمود
من ديوان سكة العاشقين
ليست هناك تعليقات:
إرسال تعليق