عالسايح رحنا رحلة
تفرجنا عمزاراتو ....قبر حجري قديم فوق الأرض
ومنو نزلنا عالفوار... وادي ونبع ماء فوار
وشربنا من مياتو
مرينا اول عالدير/دير القديس جاورجيوس
وطلعنا بعدا عالقلعة ...قلعة الحصن
هونيك عملنا سهرة
دبكة وغنية ورقصة
هالوادي المن عمر التاريخ
بيبقى شعلةحب وحضارة
.................
بتذكر الحيطان وتراب السطح
والعرقة والبدود والسأموك
والمصطبة والعريشة فوقها
والجرن والمعرجلينة وشوطاتها
والشيطنة واللعب عضو القمر
وكل ايام الطفولة ونهايتها
ماضي رحل ما عاد يرجع يا حبيب
وما بقي منو غير ذكرى في العقول
وذكريات الرفاق ايام الولدني
..................
قديش كنا نلعب بهالميات
وقديش كنا نراهن بهالقيمات
وقديش كنا شباب وصبايا
نروح ونجي بهالطرقات
نضحك ونمرح ونتبادل الغمزات
شو بقي من هالحكي ياصاح
غير البكي والأمل والكلمات
جرجس لفلوف سورية
ليست هناك تعليقات:
إرسال تعليق