فوق جبل السنين إسمك علم مرفوع
حروف قلمي تنور ف طريقك شموع
يا حب عاش ف قلبي ونما
يا شوق وطاير فوق للسما
لو فين مابروح ألاقي
حبك جوايا باقي
يا حبيبتي يا مصر
مهما اغيب عنك انا منك يا مصر
ساكنه قلبي ف اي مكان وف كل عصر
يا حبي وشوقي يا دم ف عروقي
يا شمس يومي يا غروبي وشروقي
يا حبيبتي يا أم الكرم والجود
علي طول فيكي الكرم موجود
وسبحان ربنا المعبود
يا فراقي يا اجمل تلاقي
فوق ارض سينا رفعوا العلم
أبطال بلادي ونطق القلم
حفروا الأبطال بأيديهم الصخر
صنعوا المحال ف طريق النصر
حفنة تراب فداها روحي
يا كل منايا ودوا جروحي
تروح روحي ولا تروحي
يا حضن الدفا يا اشتياقي
القمر وضله ف ليلك سهران
والكون دا كله ف جمالك حيران
والعيون سهرانة ما تنام الليل
عظيمة يا مصر يا هبة النيل
حبك يا بلدي اقوي من الزمن
ودا غالي عندي ومن غير تمن
واصبر فيكي علي كل المحن
ويفضل عهدي لوجودك باقي
الشاعر الغنائي / عرفات فرج الله بلبل
ليست هناك تعليقات:
إرسال تعليق