انا مش حجر ولا فرع من شجر
انا انسان ليا كيان زي باقى البشر
ومين يصالحنى مع النسيان
اكيد هو القدر
انا قلب عايز يحب ويتحب
من قلب فى حب كل البشر
يداوى الجروح ويفرح الروح
اللي تايها من سنين
ف وسط الناس والارض والشجر
ومين يصالحنى مع النسيان
اكيد هو القدر
كداب ياللي تقولي عدى الشباب
ومش من حقك تحب
لو الشعر شاب حبى للحب لسه شباب
وقلبى عايش بدقاته ف دنيا القلب
ومين يصالحنى مع النسيان
اكيد هو القدر
وعندى شعور بالندم على
عمرضاع منى ف دنيا الوهم والالم
وقلبي من سنين عطشان
ف دنيا الحيره والحرمان
ف عالم معدوم حنان
ومين يصالحنى مع النسيان
اكيد هو القدر
انا مش حجر
ولا فرع من شجر
انا انسان زي باقي البشر
النسيان
بقلم على عبدالرحيم محمد
ليست هناك تعليقات:
إرسال تعليق