....الشعر إلهام....
الشعر إلهام والماضي عريق
مش متل شعر اليوم كلو لغوطة
الشعر تاريخ وتاريخو عتيق
نقي صافي ما بيقبل خربطة
والحرف ساحر والمعنى غميق
والجملة فخامة والقوافي مزبطة
والهمس ناعم وقديشو رقيق
والحرف مرسوم بشبه الخارطة
والقراءة كانت غاية التشويق
مستحيل تشوف كلمة هابطة
واليوم شو بقلك يبو توفيق
عن شعر كلماتو كلا لقوطة
حروف البزاءة بالشعر مابتليق
وجمل سخيفة وحروفا ساقطة
سايد زمان الغش والتلفيق
وهزوزة القفا والصدر والنطوطة
فيق من غفلتك ياشعب فيق
ورجع الفن عالماضي العريق
عيب هيك يصير حاجي شنططة
.....بقلمي
الشاعر عيسى وسوف باظة
ليست هناك تعليقات:
إرسال تعليق