حضن طبعك
إستودعتك عند الله أمانه
وقلبي كل ثانيه بيدعيلك
واقف علي بيبان الكنانه
شادد سلاحي وبغنيلك
عيني مفنجله ف كل خانه
ونخوتي عنوانك ودليلك
خايف من الغدر والخيانة
ومن الصدمه لما تجيلك
من قلة الأصل في الإهانه
إللي برطع وشرب نيلك
برخص التراب باع الأمانه
وإستباح قرآنك وإنجيلك
ملعووووون في كل ديانه
مكرووه علي وتر مواويلك
خدي بالك بقي من بيبانك
لغاية إمتي ح يسيل دمعك
وإللي إستباح أمنك وخانك
وإللي لووث فدادين زرعك
وقتل الورود علي أغصانك
فرحته لما سمع أنين وجعك
وسمم الطين في غيطانك
عمرهم ما كانوووووا تبعك
إللي بيهدموا أساس بنيانك
ولا إتربوا في حضن طبعك
ولاشربوا سرسوب أحضانك
ولا يستاهلوا في يوم دمعك
حسن الشوان
ليست هناك تعليقات:
إرسال تعليق