حلم الفقير
اوصف لي نومك
ياعم الفقير
يوم عل السطوح
يوم في الطواله
وساعات بنام تحت السرير
اصل العيال عددهم كتير
اوصف لي ذادك ياعم الفقير
يوم لقمة ناشفه
يوم لقمة حاشفه
وساعات كتير بنام خفيف
اوصف لي السعادة ياعم الفقير
السعد وعد للموعودين
السعادة لعند الفقير
تجري منه ولفوق تطير
اصله فقير
طلباتك ايه ياعم الفقر
لا مش كتير
تعيشوني وتسعدوني
قد اللي عيشته وانا فقير
وده عليكم مش كتير
قصر ملوكي مفروش حرير
والأكل لحمة
وحمام محشي وكمان طيور
والسمنه بلدي ويا الفطير
وتجوزني اربع حريم
والمال ده رزم
فوق الدولاب وتحت السرير
وام العيال ياعم الفقير
طلاق تلاتة
ما تنام معايا علي الحرير
طب والعيال
ها يونسوها ويحرسوها
انا اصلي حمش وكمان بغير
نهق الحمار وكمان رفسني
لقيت نفسي
في قلب الطواله ويا الحمير
انا كنت بحلم حلم جميل
ياميت ندامه
طار الحمام ويا الحريم ويا الفطير
حلم الفقير
احمد محمود
ليست هناك تعليقات:
إرسال تعليق