كله محسوبلك .. قلم / السيد بدر
الجمل من حمله نخ
لساكى صابره صالبه طولك
كنتى رضيه وعشانا كنتى
سندال وكان الله في عونك
تتعافى شهر
تعافرى شهر
الوجع يتعب ينام
يادوبها شهر والتانى
يفوق ويصحى الوجع
ابص لعيونك احسك
مانا اللى عارفك
مين غيري حسك
فاهم بفسر ضحكتك
رغم الوجع فيكى ديب بينهش
تشغلينا بضحكتك
تضحكى وتنامي نومتك
ياللى صبرك من كتر صبرك
حاسس بأنة.. ماصبرش صبرك
صبرك ده محسوبلك
لو علينا بوجعك ماحسناش
ايدنا باره فى ميا بارده
عشانا إيدك جوه نار
فوق صبرك ده محسوبلك
سامحيني ..
بعدك بالوجع حسيت
وقد أيه كان زل نومتك
مش كتير يادوب يومين
تعبت أنا جربت نومتك
لاقتني بيكي
مش عليا كان عليكى
ياللى كنتى بتشغلينا بضحكتك
لما كان وجعك يذيد
ياللى كنتي محسيسانا
بعمرنا وكأنه عيد
سامحيني بيكى ماحسيناش
قد ايه كان زل نومتك..
ليست هناك تعليقات:
إرسال تعليق