**************************
وبقينا ف ليالي الحرمان تايهين وضاع مننا الأمان من سنين
ليه نويت ع البعاد وسيبتني انا ودموعي والسهاد
هو دا بردو حبك ليا والحنين يلي انت اغلى من نور العين
*******
سهرني حبك ف بعدك وقربك ولقيت قلبي ياخذني ع دربك
مين غير هواك أعيش علشانو مين غير هواك أرضى بهواني
يلي غرامك خلاني أهرب لوحدتي وابقى وحداني
وانت ولا داري فيا انا فين وانت فين
وبقينا ف ليالي الحرمان تايهين وضاع مننا الأمان من سنين
*******
تعالا شوف نهاية غرورك وقساوة قلبك وصدك وجورك
شوف عمل فيا أيه الشوق شوف عمل فيا أيه الغرام
خلاني لحلاوته اذوق وف النهاية سابني من غير كلام
والقلب بقى تعبان وحزين
وبقينا ف ليالي الحرمان تايهين وضاع مننا الأمان من سنين
*******
الحيرة رمتني للسهر وحبي ليك قضاء وقدر
هو انت ليه سايبني وحدي وانا حيران ف ليالي سهدي
يا ترى ليه نكرت ودي وغدرت فيا وبقيت زي المجانين
وبقينا ف ليالي الحرمان تايهين وضاع مننا الأمان من سنين
*******
بقيت تايه وافكر فيك ف خلوتي ويوماتي بغني بغنوتي
فين انت يا مالي عليا دنيتي فين انت ليه ناسيني
عاوز تعرف حبي وحنيني ما انت نور دنيتي وضي عيني
انا من غيرك ضايع وحزين
وبقينا ف ليالي الحرمان تايهين وضاع مننا الأمان من سنين
*******
جافيت النوم من بعدك هجرت الدنيا من صدك
هو انا مش بشر قلي منين جابك عليا القدر
وقولي ليه رميتني للسهر بعد ما كنا حبايب
وانت عارف ان القلب فيك دايب وملوش غيرك قرايب
بص لقلبي عذبو الانين
وبقينا ف ليالي الحرمان تايهين وضاع مننا الأمان من سنين
*******
بقلمي....محمدالباشا/العراق
ليست هناك تعليقات:
إرسال تعليق