ناس ونكروا الخير ....... والفضل والمعروف
فجأة لقيتهم غير .........وبانوا ع المكشوف
خدوا كتير مني
واستغنوا يوم عني
خيري اللي كان مغروف
وبيه ولا منصوف
من وقتي من عمري ...... ضحيت كتير ياما
وشربت من مري .............. لفيت ف دواما
الحلو كان ليهم .... مرمي علي ايديهم
سهران لياليهم .. من غير تعب أو خوف
من دمي من لحمي ...... كلوا ورموني عضم
وكنت أنا بحمي ............. ليهم وشلت الهم
معقولا يحرالي .. إللي بيجرالي
منهم ولا داري .. وقلبي كان ملهوف
كانوا ف يوم كانوا ........ الأهل والصحبه
لكن خلاص هانوا ...... خلصوا حبه بحبه
مش هابكي أحزانهم .. وهانسي أحضانهم
منيش أنا منهم ........ معدش فيها كسوف
الشاعر الغنائي / عرفات فرج الله بلبل منه
ليست هناك تعليقات:
إرسال تعليق