طبعا صعب أتنازل عنك
وأبيع قلبك ببلاش
الإختلاف منى ومنك
والحبل إللى بنا إحساس
وإللي فرقنا ظني وظنك
في لحظة ضعف متسواش
وانا وانت دفعنا التمن
وبقينا فرجه لكل الناس
والحب إللي كان لينا سكن
بقي صحرا ما تنداس
و الورد إللي حواليه إندفن
لما راح مننا الإخلاص
والعشره بقت بلا وطن
وحروف بس في الكراس
عشان كده دفعنا التمن
و بقينا قدام قلوبنا منسواش
ضعفنا في لحظة زعل
بأسباب مالهاش أي أساس
والحب إللي طاقة أمل
من بعده ح عيش فى خجل
وبإيدينا قفلنا بيبانه بالترباس
......................................
....... حسن الشوان 🇪🇬 .......
ليست هناك تعليقات:
إرسال تعليق