قالت جاي ؟
قال إزاي ح تعدي دقيقه
من غير م ألمح
ضحكه بريئه ترد الروح
قالت روح
وإن حنيت لحنيني تعالي
تلاقي القلب عمل بواب
وساب الباب لهواك مفتوح
قال م يروح القلب معايا
أنا راح أسيب القلب معاكي
شايل حلمهُ أمام الباب
وأجري علي الأحلام أرسمها
طلة ود بتمحي غياب
ده إنتي ملامحي وطيبة قلبي
وفرحة عمر عليّا بتحبي
إزاي أسامح قلبي إن غاب؟
قالت قلبي ح يرسم شوقهُ
حوالين برد الليل وحروقهُ
وإن طّمنت عليك عناويني
كل سنيني معاك ح يروقوا
قال أنا عشت معاكي الفرحه
وسبت أنين ودموعي الجارحه
ورايح أجيب لعنيكي الطرحه
مع الفستان
قالت خايفه من الأحزان
علشان قلبي ف ضلك جمبي
كان بيخبي العتمه ف كاسك
ولا تعرفش إن بات عطشان...!!!
شعر
صلاح محمود عفيفى
ليست هناك تعليقات:
إرسال تعليق