ولسه ح تسمع تاني
سكوتي أقوي من كلامي
خسارة فيك حناني
أو لمحه من هيامي
غدرك مستوفي المعاني
بإصرارك علي ألامي
ولسة ح تسمع تاني
عشان تعرف قيمة غرامي
مش حسيبك تنساني
ولا تنسي يوم من ايامي
وأزهارك علي أغصاني
ح تتمني تسمع ملامي
او كلمه عتاب من لساني
عشان مقدرتش مقامي
ولا قدرت يوم تعيش مكانى
عشان تحس بوجع كيانى
والأمال رسمتها على حطامى
لسه كمان ح تسمع تانى
صوت الناى من أنغامى
يشعلل جوواك أوهامى
اللى رسمتهالى قدامى
وتزيد فى إتهامى وانت الجانى
.........................................
......... حسن الشوان 🇪🇬 ........
ليست هناك تعليقات:
إرسال تعليق