أوصيك ياقبر على أمي
تكون ليها وسع فدان
دي كانت فرضها تصلي
وكانت ع النبي تصلي
وبتحب النبي العدنان
عارف يا قبر ليك وحشة
وليك ضمة وضميت
م العباد أمة لكن أمى
دي نبع حنان
عاشت تسبح الرحمن
بحق دعاها في صلاتها الفجر
يكون ضيك بلون البدر
تكون روضة من الجنة
تكون بستان
أوصيك ياقبر على أمي
كان نفسي ياأمي تستني
موتك يا أمي كسرني
وبعادك عني خسرني
ودعيت لك الرحمن
يجعل نومتك نومة حلوة
كانت نيتك صافية
كانت ضمتك دافية
يا اغلى خلق الله
سبتيلي مليون آه
يا أحلى بني الإنسان
يرضيكي إله رحمن
أوصيك ياقبر على أمي
قالو الدنيا هتنسيك
وهيجف الدمع جو عنيك
باقول د اللي مش ممكن
اتوه عن نفسي آه ممكن
لكن أمى اللي مش ممكن
أنساها د اللي مش ممكن
ملامحها جو القلب محفورة
هي الحب وهي الأصل والصورة
في نومتها مستورة
بحسن الخاتمة مشكورة
و سيرتها بين الناس
وعن وجعها مأجورة
كل رجائي من ربي
في الفردوس أشوف أمي
أوصيك ياقبر على أمي
أوصيك ياقبر
علي أمي
سيدحجازي
ليست هناك تعليقات:
إرسال تعليق