****************************
يلي حبك شوق وهيام ح اشكيكي لقاضي الغرام
واقولو نسيتني ست الكل اوام والله دا حرام
قلتلك انت حبيبتي تقوليلي ارجوك دا عيب
وانا من ساعتها فكري بقا يودي ويجيب
هو انا مش زي الناس ليا قلب واحساس
ولا انتي فاكره ان حبك يتنسى بالايام
يا ساكنة القلب ح اشكيكي لقاضي الغرام
*******
عاوزه تبعدي عني شهور وتخلي قلبي مهجور
وانا اللي بشوفك دنيتي كلها ولطريقي نور
بصي ف عنيا وشوفي الحنين اللي فيهم ليكي
خليني جنبك دا أنا اللي من كل الدنيا شاريكي
وبوجودك يتفتح الورد وتنور الزهور
علشان انت اللي ف عيونك كتبت الشعر والكلام
يا ساكنة القلب ح اشكيكي لقاضي الغرام
*******
مش ح ينفع الاعتذار ع اللي جرى واللي صار
هو انا شفت جنتك هو انا شفت منك غير النار
كفاية تعذبي قلبي وترميني للآهات
ارحمي دموع الليالي وطول الساعات
وكل يوم انتي ف راي وكل ساعة ليكي قرار
شوفي مكانك انت فين م كفاية صد وملام
يا ساكنة القلب ح اشكيكي لقاضي الغرام
*******
يلي انا مش على بالك فين وعدك فين وصالك
قوليلي ايه اللي قساكي قوليلي ايه اللي غير احوالك
صحيح بينا مسافات وحدود وسدود وغابات
لكن عمر الحب ما بيعرف الخوف من النهايات
وف الاخر تقوليلي خليني بحالي وخليكي ف حالك
ليه انت حزينه ليه ما بتبصيش شويا لقدام
يا ساكنة القلب ح اشكيكي لقاضي الغرام
*******
سيبك من كلام الناس وخليكي معايا بكل احساس
دا أنتي مناي من الدنيا دي وقلبي وعيوني ليكي حراس
هيا الظروف كانت ف يوم معانا
هيا الايام ضحكت ف يوم لهنانا
ما هيا تزيد وتسقينا من الآه وتملي لينا الكاس
ارحمي دموعي وما تزيدي عليا ف الخصام
يا ساكنة القلب ح اشكيك لقاضي الغرام
*******
بقلمي....محمدالباشا/العراق
ليست هناك تعليقات:
إرسال تعليق