من الدروس المستفادة
كسبنا عادة
هي بس غريبة عنا
مش في بالنا
لكن المواقف والبشر
اللي اتخلو عنا
وهم منا
علمتنا وقلبتنا
على كل عادة
خاصة البلادة
كسبنا عادة
بقينا من غير تمن
وكتير رخيصنا
ومن البشر قلبه حجر
عمال يدوسنا
ولما نبكي ونشتكي
يقولو بفلوسنا
ولو قلت كلمه
هندوس زيادة وبالبيادة
كسبنا عادة
عارف لما قلبك يتقهر
وصوتك يروح
وجواك لسانك ينقطع
عن أي بوح
عارف الجروح
تبقى عارف السيادة
وتبقى زينا هتشربها سادة
نسينا كلمة إرادة
ومنين نجيبها ونرجع زمن الريادة
وفينا البلادة
كسبنا عادة
سيدحجازي
ليست هناك تعليقات:
إرسال تعليق