خيبان طول عمرك خيبان
متعلق بخيوط الشمس الغايبة
وفاكرها لما هتطلع هتبان
ماهي طلعت عليك مليون مرة
وانت يا ضربك تعب الجري
وراها ولحد ماغابت نعسان
ياخيبان
في ناس ياما زيك خايبة
عن كل مناصب الدنيادايماغايبة
متغميةعنين الدنيا ومش شايفاها
وبترقص عند عبيط الحظ وسايبة
:زي خطاوي الدنيا العايبة
ياخيبان
انت فاكرها هتروق لك
ولا هترمي كاس الخمرة
وهتفوق لك
آه يامدحرج عمرك على سلم
نازل تحت
وعمال نحت وبانيت بيوت الرملة
بتاعتك
واهو داسها الشحط
ياخيبان
مش من حقك تحلم
ولا تحلم تبقى مع النايمين
هوا انت بكام ومعاك كام من الملايين
الحسبة تقيلة
وانت كفاية عليك بتنسي
عناوين االزمن الساخر منك بعد الدوخة
في تعسيلة
آه يابو خيبة تقيلة
ياخيبان بس الشافع لك انك إنسان
وفي دي مش خيبان
سيدحجازي
ليست هناك تعليقات:
إرسال تعليق