.... ....
بعتذر منك ياحرف وبقول
حق الإلك لو ماقدرت وفيك
مبارح كنت بي خاطري متجول
وكيف ماالتفت بخلقتي بلاقيك
.....
حاضر وجاهز للكتابة إنت
بخاطري متل إلهام عم تحضر
ياهالحرف إلهام شعري كنت
ومتل الوحي بدفاتري مسطر
...
لكن معي شو تغيروا الأحوال
نسيتك معاد تذكرت إسمي
صرلي زمان كتير عاهالحال
وما عادت معي الأيام مبتسمة
......
ياحرف بعتذر يارفيق الزمان
يل إلك عمر وإنتا مرافقني
ما يوم منيت الفكر بالخذلان
وبكل تكة حرج كنت تسعفني
.....
واليوم معاد الفكر طاوعني
والقلم قرر يخرس بإيدي
ولا بقا ياحرف بتنسكب مني
ولا قادر حطك بجملة مفيدة
.....
بعتذر منك لا لا تآخذني
بعرفك صادق يانعم الصديق
ياحرف ضيق الحال تاعبني
والوقت محرج كلياتو ضيق
....
اعذرني إذا بتريد بحياتك
ولا ياخد عا خاطرك ولاتزعل
متل الذهب تشكيل كلماتك
ومتل الشمس عا الأرض مابتنزل
.............
بقلمي الشاعر عيسى وسوف باظة
ليست هناك تعليقات:
إرسال تعليق