(( لمين دامت))
بتلفي بينا وتدوري
كتير خابت فيكي ظنوني
غويتينا وهمتينا
بكل الخير
عشقناكي وعشقتي
الغير
فرحنا كتير بأحلامنا
وأحلامنا مفيش تفسير
دروبك زي ماهيا
نصالحها مافيش تغير
الحب فيكي مصالح
ووصل الود مش طارح
غير الأوجاع
لا جار نافع ولا شافع
في يوم الدين
لا اخ كبير ولا صغير
ولا أولاد ولا أحفاد
بتتمنى لبعض الخير
ماسكين سكاكين
وبتقطع بدون تبرير
وكل دا عشان طامع
فى حبة طين
فى حق يتيم
وألف يمين يكون
كاذب
أستاذ تزوير
تعالى ياسيدي
نحسبها نضربها
ونجمعها ونقسمها
نشوفها لمين
فى يوم دامت
زمن صامت
ودنيا ماشية
بالمقلوب
عشان تعيش
فى ستيرة
تعيش مغلوب
وأمتى كفنا كان
بجيوب
عشان نطمع فى
حق الغير
ونزور فى شرع
الله
ونعمل لنفسنا
دساتير
بقلم
نور الدين محمد
١٨/٥/٢٠٢٣
ليست هناك تعليقات:
إرسال تعليق