للشاعر/ ناجح أحمد – صعيد مصر
مرحى يا عيد أهلا يا أضحى
فرحتنا بيك والصحبه صادحه
كل الشوارع مليانه فرحه
الناس تسلم وقلوب مسامحه
وجوه ملايكه بنورها واضحه
أغنيا لفقرا ضحوا ودابحه
ندبح ضحايا والضحكه صابحه
مفيش جعان بيوتنا طابخه
علينا الحبايب جايه ورايحه
مع القرايب ماحلاها فرحه
رحنا نصلي ندعي ورابحه
كل المساجد بإيمانا طارحه
فيها نكبر مغادر مراوحه
الأرض زينه ببخورها فايحه
اللبس توب والبنت طرحه
عيالنا تجري غناها فرحه
مكان أمان تلعب وسارحه
عرفه نصوم وذنوب ماسحه
لحج البيت صدورنا شارحه
سمحه يا طيبه ولمكه رايحه
مدح الرسول والروح مراوحه
صلاتنا عليه بالمسك ناضحه
عيدنا الكبير يا عيد الأضحى
كبيرنا مادح وعيالنا مادحه
سلم سلامنا أحضان مصافحه.
ناجح أحمد – مصر
ليست هناك تعليقات:
إرسال تعليق