................
لا أنا عارف أصارحه بشوقي ليه
ولا له حكيت
وفى كل مره
أحلم بقربه
وأقول يا ريت
بدارى بين عشق إترسم
كحله فى عيونه
أحاسيسي على دفتر ورق
مش قادر أقوله
والخوف ساجيني فى ثوب بعاده
وليل ظنونه
أصارحه يمكن أفقده
ولا على الورق أوعده
ما هعيش بدونه
حيران ما بين جدارن ملام
وقلب صامت عن الكلام
ممنوع يلمح بالهيام
ولا دقه صابت
أوقات كثير أشتاق إليه
ودفاتري دابت
سنين وعديت مش ناسيه
ولا ذكرى شابت
دفتر مشاعري بحن له
ولا يوم نسيت
وأسهر ليالي أفتكر
ولا عاد يا ريت
بقلم .. صبري رسلان
ليست هناك تعليقات:
إرسال تعليق