معلم بمدرسة الإصلاح الزراعي بنجع حمادى
محافظة قنا جمهورية مصر العربية
حيرتينى معاكى
احترت فيكى
ابعد تقربى اقرب تبعدينى
قوليلى أنت إيه
بتحبينى ولا عايزه تجننينى
ايه اللى عايزاه فهمينى
لا تقربى لإما تبعدى وتسيبينى
الحب مش لعبه وكلام
واغنيه حلوة تبعتيلى
الحب تواصل وامل
ادبهولك وانتى تدبهولى
الحب همسه فى الأذن
لو مريض تشفينى
الحب بسمه من شفايف
لو عطشان تروينى
الحب حلم نحلمه مع بعض
وبحنان اضمك وتضمينى
الحب لو بينا مسافات
جبال وبحور تعديلى
الحب راحة بال
مش اتعبك وتتعبينى
الحب افهم كلامك
ولو اتكلمت تفهمينى
الحب عسل مش مر فى كأس
فى بعدك ليه بتزقينى
الحب اتصال وتواصل
مش وردة فى صورة تهدينى
الحب صدق وأمانه
مش وعودك تخلفيلى
الحب لو عايزك الاقيكى
مش لما اقرب تبعدينى
عرفتى إيه الحب
يا رب تكونى فهمتينى
ليست هناك تعليقات:
إرسال تعليق