قاسية وظالمة
بقلمي يحيى حسين
حرام عليكي قاسية وظالمة
كل دروبك دخان وضلمة
ما فيها نور عتمة القبور
وواخدة قلبي هناك وضمة
قوليلي بس عملت إيه
رسمت حلمي وكنت فيه
أخدتي حلمي في حضن قلبك
خنقتي نبضه ماعرفش ليه
كنتي زمان بتحبي قلبي
وكنت ليا نبضة في قلبي
كانت قلوبنا في أحضانا دافية
أحضان تدوب قلبك في قلبي
لكن خلاص آخر الطريق
وطريق قلوبنا عمال يضيق
وصلت قلوبنا لآخر الخطاوي
لبحر عالي موجه غريق
القاهرة 7 يوليو 2020
ليست هناك تعليقات:
إرسال تعليق