حاسيت بالفرق أكيد بعدِك
وعرفت إن وجودِك نعمة
وحصلّي حاجات ياما في بُعدك
ما لاحظتهاش أنا غير لمّا
حاسيت إنّ مكانِك فاضي
وبعادِك عني ماهوش عادي
ولا قادر أصبُر وأتحمّل
حاسيت إنّ الأيام واقفة
حاسيت بالوَحشة وباللهفة
ومن غيرك صعب إنّي أكمّل
فَ وجودك بالنسبّالي حياه
و ف قربك قلبي يلاقي دواه
والدنيا بتصبَح مِبتِسمة
حاسيت بالفرق أكيد بعدك
وعرفت إن وجودك نعمة
في بعادِك عني لاقيت نفسي
مكسور بالجامد وبعاني
ونهاري وليلي يزيد يأسي
ودموعي تملّي مصحباني
حاسيت بقي يعني بفرق كبير
وندِمت وحاسس بالتّقصير
وعرِفت إن إنتِ وجودِك غير
والفرحة بتبقى ملزماني
حاسيت إنّ الروح بتسيبني
وضميري تملّي يعذّبني
والفكر ياخدني وبيجيبني
خايف مش أشوفك من تاني
ف وجودك بالنسبّالي حياه
و ف قُربك قلبي يلاقي دواه
والدنيا بتصبَح مِبتِسمة
حاسيت بالفرق أكيد بعدِك
وعرفت إن وجودِك نعمة
بقلمي عبدالحميد وهبه
ليست هناك تعليقات:
إرسال تعليق