بقلمي: طه هيكل
الحكاية طويلة
وللرواية شهود
أصل المكانة جبل
مش قمم وعهود
وحكاية مصر أزل
آباء سبقهم جدود
صرح سعادة متين
دروس وعبر وصمود
معادنا مش دلوقت
نتقابل ف يوم موعود
احنا الأصل والفصل
عظمة ملهاش حدود
وغيرنا ملوش أساس
وواخد طريق مسدود
يجمع الخلق بأكلة
عايز يشتري شهود
عازف على ربابة
متربي يدق العود
وعايز الناس تقول له
أنت للعالم تسود
متفرحش ياعم وارث
ياريت تقف مسنود
شعرة معاوية راحت
من أيام الأسود
عارفين إن مصر كلمة
وشرف عمره ماكان محدود
طه هيكل
ليست هناك تعليقات:
إرسال تعليق