اللي يعيش في الدنيا دي
ياما هيشوف
واللي يمشي يشوف اكتر
ناس ساخطه وناس تشكر
كل واحد فينا جواه
قصص و حروف
قصص مليانه سعاده
وحكايه مليانه بالخوف
قانون الدنيا ساعات ظالم
وساعات للعدل اكون ملهوف
وأموت من الخوف
من دعوة المظلوم ليا
والدمعه تنزل من عيني
من كتر الخوف
ناس سيرتها اطول العمر
وناس ذكراها لحد القبر
وفي ناس قصتها مكتوبه
وناس روايتها مرسومه
وناس حكايتها كمان شخبيط
وناس علي كل الألوان
وناس الوانها بهتانه
وناس صحتها تعبانه
وناس راضية وفرحانه
وناس عيونها مليانه
وناس لو ملكت الدنيا
مكشرين ومش راضين
وناس فقرا قوي وراضين
وحامدين وكمان شاكرين
هما دول المكتوبين
والمرسومين بكل الألوان
مزهرين ومنورين
والوانهم مش بهتانه
اصل الدنيا
قصص وحروف
بقلم
احمد محمود
من ديوان حبة رتوش
ليست هناك تعليقات:
إرسال تعليق