اللي معايا أكيد فرَق
إحتاجتُهم وقت الغرق
مالقتش حد في محنتي
ولا حد يوم فيهم سبق
من بعد عمري اللي إتسرق
يوم بعد يوم راح وإتحرق
كل اللي كانوا معايا طٍلعوا
أصحاب ولكن ع الورق
أصل الحياة طبعاً مواقف
مين اللي حاسس بيك وشايف
مين اللي قلبه ماكنش خايف
من أي شخص يعني إتخلق
مين اللي فكّر يوم يضّحي
أو يبقى جانبي في وقت فرحي
هعرف بإيدي أداوي جرحي
وأخرج من الخوف والقلق
أصحاب ولكن ع الورق
طول عمري ابدّيهم علّيا
بدل الجنيه كانوا ياخدوا 100
طول عمري بدّي بدون حساب
ولا يوم أخدت أنا حاجة ليّا
أنا اللي أثّر يعني فيا
وحرّك الدمع ف عينيا
إزاي بقى راح كل ده
وإتبدّل الود بأسية
بقلمي عبدالحميد وهبه
ليست هناك تعليقات:
إرسال تعليق