لينا بعد الفراق عودة
أكيد ومسيرنا نتقابل
ليالي صعب تتقضّى
لأن البعد مش ساهل
فراقك كان على عيني
وقُربك منى يكفيني
فى كل يوم بموت بعدك
وجودك كان بيحييني
ياريت البعد مايطّول
عشان مابقتش متحمّل
ولا للبعد أنا قابل
لينا بعد الفراق عودة
أكيد ومسيرنا نتقابل
برغم البعد والمسافات
طيفك جانبي مافارقنيش
وفى عيونك أكيد بالذات
بتوه فعلاً وفيها بعيش
وفيها بألقى عنواني
وأعيش فيها وأتوه تاني
وبألقى التوهة وخداني
وحابب إنى أروح وما آجيش
أكيد وقت الفراق يعني
مشاعرى كل يوم بتزيد
وبستّنظر تطّمني
بكلمة وإنت عني بعيد
تطّمن قلب كان مشغول
فى بُعدك ليل نهار على طول
أكيد يعنى ده مش معقول
تغيب الفترة دي عني
ياريت البعد ما يطّول
عشان مابقتش متحمّل
ولا للبعد أنا قابل
لينا بعد الفراق عودة
وأكيد مسيرنا نتقابل
بقلمي عبدالحميد وهبه
ليست هناك تعليقات:
إرسال تعليق