*بإسم أطفال الحياة*
.............................
*بإسم أطفال الحجارة
بإسم صوت هد الكيان
ليه بتقتل في الطهارة
ليه خسيس دايما جبان
*طفل ماشي راح ما جاشي
لهفة أمه يا ناس عليه
فجأة شافت طيفه خافت
دا ضناها ولا إيه
واما مسكت يدة صرخت
أصل روحها ساكنه فيه
مات حبيبها مات وليدها
تصرخ إصحى مت ليه
*كان بيحلم إنه يرسم
ضحكة حلوة ع القلوب
وأما يكبر إنه يقدر
يرسم الأفراح دروب
رغم إنه كتير في سنه
حلمهم لعبه ودبدوب
بس قدرة أقوى منه
والرصاص سكن القلوب
*أيوا حضنت صدرة سكنت
طلقه ما بتعرف رجوع
كان ونفسه حضن أمه
يحضنه لحظه وجوع
جاله جندي كان معدي
قاله بعتاب الدموع
ليه بتخطف مني سني
ليه رصاصتك في الضلوع
#كرم ميخائيل
ليست هناك تعليقات:
إرسال تعليق