سيبها على الله خلينا عايشين
مش عارفين دايماً الخير فين
جايز أنا وأنت نعيش أصحاب
أو جايز بردوا نعيش حبيبين
سيبها على الله وآدينا ماشيين
بإرادة الله دايماً راضيين
ربك لو عايز أيه هيكون
ويبدّل حالنا في غمضة عين
لو مهما أنا وإنت أخدنا قرار
إن كان بالبعد أو إستمرار
ربك صدّقنى أكيد إختار
وأنا وأنت مجرد بس روتين
سيبها على الله خلينا عايشين
سيبها على الله وماتفكّرش
أقدر على بعدك أو ما أقدرش
والدنيا بينا ومن غيرنا
صدقني هتمشى ماهتّوَقّفش
نعمل أنا وانت اللي علينا
ونحاول نسعد بعضينا
أحباب أصحاب بقى مش فارقة
مع بعض تملّي خلّينا
كام مره حاولنا وماعرفناش
وحاولنا نبعد ماقدرناش
وياريت بقى نرضى بنصيبنا
ل يضيع العمر أكيد ببلاش
خلينا نودّع بقى خوفنا
وبلاش نتحجج بظروفنا
ما أنا وأنت ياما إتعذبنا
وآسينا وياما كتير شوفنا
لو مهما أنا وأنت أخدنا قرار
إن كان بالبعد أو إستمرار
ربك صدقني أكيد إختار
وأنا وأنت مجرد بس روتين
سيبها على الله خلينا عايشين
بقلمي عبدالحميد وهبه
ليست هناك تعليقات:
إرسال تعليق