مدرستي
مدارس فلسطين قفلت
والتلاميذ خدوا الشهادة
بالأبيض متكفنين
ومفيش راسب وباقي للأعاده
الكلاب بقت مسعوره
حرب صليبية وصهيونه
علي النساء والأطفال
دي مش حرب دي أباده
ولو كانت حرب وبرجوله
تعالي. فارس لفارس
هتلاقي اطفالنا قدام عينك
اقوي من صواريخك المنصوبه
لكن طول عمرك خسيس وجبان
متخبي جوه دبابه
او بتحارب من وري جدران
قرائنا وصفكم في السوره
والمسلمين بيتفرجوا علينا
وعاملين حفلات مهرجانات
وشايفين جثثنا ياحضرات
ودمنا سايل وبقي انهار
راح فين شنباتك ياعروبه
من. يوم ما صلاتنا بقت عاده
ونسينا أنها عباده وعمود الدين
ونسينا أولي القبلتين
وكمان ثالث الحرمين
ولموا كراريسي وكتابي
غرقانه باللون الأحمر
والأحمر هوا لون دمي
وأسمي مكتوب في شهاده
وأخر سطر في كراسي
مكتوب بدمي لبني صهيون
احنا دايما في زياده
البطن عندنا في التسعين
تلاقيها حبلي وولاده
بقلم
احمد محمود
ليست هناك تعليقات:
إرسال تعليق