من بين ملايين العيون
شغلتني
بصتلي شاورتلي ندهتلي
وقالت لي انا هيا
بسرعة قلبي دق ودق
وجري النبض في شرياني
معقولة وفي آخر ايامي
وبين وريدي وشرياني
أتوه انا مابين الاتنين
ومن بعد صبري وأحزاني
جي تصالحني يا زماني
وتلمس قلبي من جوه
بحب جديد من تاني
واه ياني من حبك اللي
خلاني
محتاج. لعمر تاني جديد
أعيشه كله في احضانك
وبنظرة عين تكفيني
ترويني عطش ايامي
وسنيني
وتعوضني من الحرمان
خايف منك يا حلم جميل
وانا والليل نعيد القصة
من تاني
واه ياني من عشقك
اللي خلاني
احب الحب في عيونك
في جفونك في نن العين
ورموشك
وجميع اسلحتك وجيوشك
محصورة
ما بين عيونك ورموشك
وامام عيونك ورموشك
سلمت انا الراية
ومش عارف علي فين وخداني
يا أجمل من رأت عيني
بقلم
احمد محمود
من ديوان سكة العاشقين
ليست هناك تعليقات:
إرسال تعليق