الشاعر / رضا البوشى
ياأبو ضحكة لولى
وسنتين ضايعين
فوق النجوم
مد الكفوف
عبي نهارك
مصر رع
أم الشموس
طالعة كما البدر الشقى
بتبتسم.......
في إنتظارك
ماتخافش من مخاليق
عالم رموش وهاموش
وسحنتة مساحيق
ياأبو مركبة فوق الهموم
إرسم م الأمل جبلين
ولون دايرة مدارك
صوتك ربيع
بيحيي الوردة في البستان
حروف تهز الكون
وكانها بركان
يخلق في بطن العتمة نور
صوتك ده سور
بين الإقامة و الأذان
صوتك شبه الزمان الحي
أبيض بياض الضي
قوم غير الصورة
دي الراية مكسورة
إكسر سنان الألم
وعبي م الأحلام
بالطن مقطورة
وإعمل حفلة ميلاد
لميلاد بكرة إللي جي
ده الفعل بيغير
بحور الشعر
و الأوزان
صوتك ده فجر
وله عنين متكحلين
يمشي على حكايته
خطاوي ضحكة المساكين
يفتح طاقات النور
سطرين سعادة
وللغرقانين.......
بر امان
ليست هناك تعليقات:
إرسال تعليق