اللي ياما كتير ساعِدتُه
واللي ضحّيت يوم عشانُه
جاي عايزني خلاص أفارقُه
وإني أبعد عن مكانُه
جاي يمثّل قال علّيا
جاي وعاش دور الضحية
هوّ مش عارف بإني
إكتشفت التمثيلية
جاي وحابك الكدب حَبكة
في إعتقادُه بإني ساذجة
جاي وفاكر نفسُه أذكى
بس يعني ذكائُه خانُه
اللي ياما كتير ساعدتُه
واللي ضحّيت يوم عشانُه
اللي يوم فكّرت إنُه
يعني أقرب حد ليّا
لمّا شُفت الغدر منُه
نفسي صعبت يوم عليا
يومها قررت إني أبقى
ع اللي يعني عليا يبقى
واللي يختار إنه يبعد
رَجعتُه مابقتش فارقة
لأ سامحني بجد أسفة
لأ مافيش وقت لمجازفة
إنتهى وقت الملاطفة
وكل وقت ولُه أدانُه
اللي ياما كِتير ساعدتُه
واللي ضحّيت يوم عشانُه
بقلمي عبدالحميد وهبه
ليست هناك تعليقات:
إرسال تعليق