نفسي اعمل فيها فله
واقدر اوصل عند. الوالي
نفسي أصبح ولا امسي
نفسي اقولة كلمتين
وف كلامي أخر كياسة
نفسي اقولة كلمتين
عاوز أوصله رسالة
هما هما كلمتين
هغنيهم له عل الربابة
الربابة مع ناي حزين
اصل الحزن صبح وراثة
امتي نورث فرحة حلوة
امتي نضحك ضحكة غنوة
ياما قولت بأعلي صوت
ولا حياة لمن تنادي
مش عارف ااكل عيالي
وخلتوني اتمني الموت
سايبنا ليه للدبابة
واحنا يا والي غلابة
حوش يا والي عنا وحوش
حوش وحوش مابيرحموش
ولا رقابة ولا سيادة
سايبنا ليه للديابة
حوش. وحوش منك ومني
ليل نهار ماصين في دمي
طماعين وما بيشبعوش
حوش يا والي عنا وحوش
حوش وحوش ما بيرحموش
الله يعينك على انت فيه
ويقوينا علي احنا فيه
بس المرار طفح بزيادة
اللحقونا قبل ما نموت
والموت دا اشرف من السكوت
وتشربوها قهوة سادة
وسعيكم مشكور
بقلم
احمد محمود
من ديوان بنا حروف
ليست هناك تعليقات:
إرسال تعليق