عمرك شوفت البحر بيزعل
أيوه بيزعل
رغم قساوته فى موجه العالى
رغم غباءه فى خطف الغالى
رغم الضحكه يوم ماترسمت
قرر إنه يبقى الجانى
يوم ماخطفت يابحر أصحابى
كانت الضحكه هناك مسموعه
فجاه قرارك تختار صاحب
وسيبت قلوبنا كمان موجوعه
أيوه يابحر أنا دوقت مرارك
يوم مالخطف عملته قرارك
بس إزى يوم رد عليا
وقولى إزاى اليوم زعلان
ليه زعلان
أوعى تقولى على الغرقان
أوعى تقولى كمان قلقان
ولا تعيشها بدور الطيبه
أو توهمنى إن إنت أمان
رد البحر ساعتها وقال
مااللى أنا شوفته أكيد زعلان
لما خادونى طريق ووسيله
مركب شايله سلاح وزخيره
كل دا ظاهر ليا وباان
إنسان يقتل أخوه الإنسان
كل شعوب العالم شايفه
كله راسم دور الزعلان
كله بيشجب يوم ويدين
ولا فيه بينهم حد أمين
يكتب يوم لليأس نهايه
يحميكى ربى يافلسطين
تحياتي/
مدحت لطفى عبدالعال
ليست هناك تعليقات:
إرسال تعليق