طاوعني شعل اشموعك
نعرف ياحرفي سر نوعك
مابعت ماشريتك ياحرفي
راني مونس بك ياولفي
وانا للي عارفك اش تسوى
غادي معاك مانسبق الخطوة
يالخارج من هذا gاشوش
نتهجاك وراق من ديك لعروش
ماقريتك ف مسيد لوالة
ولى علموني بوهالة
ولى حضر معاك اللوح
حثى صلصال ما كان مسموح
وسكنتيني في عمق لعماق
وجعلتيني واحد من دوك عشاق
في سباق معا كل الحاضرين
جاييين حثى دوك السابقين
اسكنتي ياحرفي بالي
بك ومزين ساكن لب حالي
وقت لمطار مجمر ويسخن
بالشوفة فيك ياك نتمكن
خزناتك ف الدفء ديك الروح
عانقك بمحبة داك البوح
درتك ليا ياك عز اصديق
ومعايا ف الجولة ارفيق
بقلم صقر الحروف
الزجال االمحجوب بوسبولة
ليست هناك تعليقات:
إرسال تعليق