...............
كتاب العمر كام ورقه
بيقلب ورقه ورا ورقه
ما بين فرحه
وكوم أحزان
زهقينا نعد مش فارقه
سطور مكتوبه بدموعنا
بتحكي وجعنا في ضلوعنا
سطور مش باينه ملامحها
لا تقرأ فى ضي ولا شمعه
حروف وسطور عذاب لينا
بنشعل نارها بأيدينا
بنجبر حالنا نتهجا
ونرسم فرحه مش لينا
نود فى ناس وناس تكره وداخله حياتنا بالإكراه
ومهما حاولنا نطويها
بتفضل ذكرى مر فى كاس
أملنا فى بكره تيجي ورقه
يكون فيها فرحه مش دمعه
ونتناسى الوجع ونعيش
ولو هدنه ليومين راجعه
وحسن ختام وثوب أبيض
في ورقه بتهدي وبتصلح
وورقه لليل وميه شمعه
بقلم .. صبري رسلان
ليست هناك تعليقات:
إرسال تعليق