ناس بتمثل إنها
مالكه الدنيا كلها
وناس بتمثل إنها
ماخدتش حاجه منها
وناس عشقاها وعايزاها
وناس بالرخص بيعاها
وناس من صدمة كرهاها
وناس عشان ناس حباها
ناس متطره تطاوعها
وناس بتموت ولا تطيعها
وناس من خبز شبعانه
وناس وخداها بمن معها
وناس بتمثل ومش صادقه
وناس صادقه ف مواجيعها
وناس من ضحكه تحسدها
وبتبكي وراك عذاب حالها
هي الدنيا حدوتة
وعايشينها وإيه نعمل
ناس بإيمانها مبسوطة
وبتحمد ربها وتقبل
وناس م الظلم مكبوتة
وخلاص مش قادرة تتحمل
وناس عايشاها بكاس
وف خلوة ربها بتخجل
وفيها عايش وبيطنش
وفيها اللي مات وبتأمل
وعايشينها وبنمثل
ولو هكتب عن الدنيا
لا انا ولا ورقي هنتحمل
وبنمشيها وبنمثل
سيدحجازي
ليست هناك تعليقات:
إرسال تعليق