جمّع حبايبنا أهالينا
نوّر أيامنا وليالينا
واملانا ايمان
......
ياهلال م القلب اشتقنالك
والكل اهو فرحان علشانك
محلى قيام الليل وصيامك
شهر القرأن
.......
علّقنا الزينة على ديارنا
والخير بقدومك جه زارنا
نتخفف فيه من أوزارنا
ونعيش فى امان
.......
بنحسّ بجد ببعضينا
وبيظهر فيك احلى ما فينا
وبندعى وكلّ أمانينا
رحمة وغفران
......
رمضان قربنا وجمعنا
والدنيا كلها تسمعنا
نتوحد وتزول أوجاعنا
بعز الأوطان
.....
بقلم / الرفاعى الحداد
ليست هناك تعليقات:
إرسال تعليق