لمّا صبحنا خلاص نِتجاهل
دَه مافَرقشي معاكوا في حاجه
لمّا باقينا خلاص نتعامل
يعني بكل برود وسذاجة
عِشنا معاكوا بكل ضمير
مش بنقول غير أيوه وحاضر
وماخدناش منكم بقى غير
جرح القلب وكسر الخاطر
كسر الخاطر مش بيحوّل
بس الطيبة تكون جبروت
بيخلينا نصرّ ونكمّل
حتى ولو هنقابل الموت
بيخلّينا أكيد نتغيّر
وبنتحوّل ناس تانيين
ناس بقى صعب إنك تتصوّر
يتقال عنهم بني آدمين
كسر الخاطر بيخلّينا
ننسى الطيبة اللي كانت فينا
ونحولّها كمان لشراسة
واضحة وباينة كمان في عينينا
خير وإتحوّل بقى لشرور
ردة فعل خاطر مكسور
وأنتم زي ما كسرتوا بخاطري
بكره هييجي عليكوا الدور
وأنتم زي ما كسرتوا بخاطري
بكره هييجي عليكوا الدور
بقلمي عبدالحميد عبد الصادق وهبه
ليست هناك تعليقات:
إرسال تعليق