بقلم / السيد بدر
الخصام مقدور عليه يومين ونرجع
العناد إيه يعني زاد ها نحن نرجع
لكن خيانه كده النهايه
مستحيل بعديها نرجع
............
منكرش كتير سامحتك
على كل كدبه كدبتها
ونسيت ورجعت لك
منكرش كتير نسيالك
شكوك ظنون أعديها
تحايلني تاني أحن لك
لكن خيانه كده النهايه
مع السلامه مع غيري كمل رحلتك
......
للرجوع ماتجيبش سيره
متحاولشى
إنت قادر عالخداع عالنفاق
متجادلشى
صدقني ماعدش ينفع
مابقيتش ليك الحبيبه
خيانتك نقشه فيا جوايا محفوره
لبعض نرجع
محاله نرجع مستحيله استحاله
.....
جنب منك مش أمان
واللى خان مايؤتمن
طول عمري فكرالك
ناسيه ومنسالك
ماتقولش مش سامعه
كارهه وأنا البايعه
محاله غنمه تحب ديب
منك أمان ممصدقه
ياللى حضنك حضن ديب
شوف لك حبيبه
أنا مش حبيبه
أنا طول مانا بعيده
فى أمان ومطمنه
خاين ماتتماشى ولا ضل ديب يؤتمن ..
............
ليست هناك تعليقات:
إرسال تعليق